Англиянинг "Астон Вилла" клуби ҳозирча келажаги мавҳум бўлиб турган дарвозабон Эмилиано Мартинесга ўринбосар қидирмоқда.
Бирмингем клуби раҳбарияти Франциянинг "Лилль" клуби дарвозабони Люка Шевалье билан шартнома имзолашга уриниб кўриши мумкин. Бу ҳақда L’Equipe нашри хабар бермоқда. Қайд этилишича, футболчининг ўзи ҳали клубини ўзгартириш истагида эмас.
Агар Мартинес "Астон Вилла"ни тарк этса, жамоа 23 ёшли футболчини қўлга киритиш учун реал қадамлар ташлайди. Қайд этиш керакки, 40 миллион еврога сотилиши мумкин бўлган Шевальени "ПСЖ" ҳам диққат билан кузатмоқда.
