"Ливерпуль" ва "Бавария" ҳамон вингер Луис Диаснинг трансфер шартларини келиша олмаяпти.
Мюнхенликларнинг колумбиялик футболчини ўз сафига қўшиб олиш борасидаги аввалги уринишлари самара бермаган ва янги таклиф ҳам рад этиладиган кўринади. Журналист Пол Жойснинг ёзишича, "Бавария" 28 ёшли футболчи учун 70-75 млн евро тўлашга тайёрлигини билдирган, аммо "Ливерпуль"ни бу сумма қониқтирмайди.
Тахминларга кўра, Луис Диас Германияга кўчиб ўтишга тайёр, аммо трансфер амалга ошишини мажбурламайди. Футболчининг мерсисайдликлар билан шартномаси 2027 йилнинг ярмигача мўлжалланган, Transfermarkt унинг нархини 70 млн еврога баҳоламоқда.













