Мадриднинг "Реал" клуби Лондоннинг "Арсенал" клуби марказий ҳимоячиси Вильям Салибани нишонга олди.
"Қаймоқранглилар" ўтган йили ҳам французга қизиқиш билдираётганди ва сўнгги кунларда оммавий ахборот воситаларида яна шов-шувли трансфер ҳақида миш-мишлар тарқалди. Diario AS хабарига кўра, "Реал"дагилар Салибани диққат билан кузатишда давом этишмоқда, аммо "Арсенал" футболчини "дахлсиз" деб ҳисобламоқда ва уни сақлаб қолиш учун қўлларидан келганини қилишмоқда.
Вильям Салибанинг "канонирлар" билан амалдаги шартномаси 2027 йилга қадар имзоланган. Transfermarkt портали Лондон грандининг 24 ёшли футболчисининг нархини 80 млн еврога баҳоламоқда.













