"Ньюкасл" "РБ Лейпциг" форварди Беньямин Шешкога жиддий қизиқиш билдирмоқда. Бу ҳақда Sky Germany хабар бермоқда.
Манбага кўра, инглиз клуби 22 ёшли словениялик ҳужумчи трансферини кўриб чиқмоқда ва уни сотиб олиш учун тахминан 80 миллион евро сарфлашга тайёр. Шу билан бирга, Transfermarkt футболчининг бозор нархини 70 миллион деб баҳоламоқда.
Шешко 2023/24 йилги мавсумдан бери "Лейпциг" шарафини ҳимоя қилмоқда. Ўтган мавсумда у барча мусобақаларда 45 та ўйинда майдонга тушиб, 21 та гол урди ва жамоадошларига 6 та голли узатмани амалга оширди.













