"Nyukasl" "RB Leypsig" forvardi Benyamin Sheshkoga jiddiy qiziqish bildirmoqda. Bu haqda Sky Germany xabar bermoqda.

Manbaga ko‘ra, ingliz klubi 22 yoshli sloveniyalik hujumchi transferini ko‘rib chiqmoqda va uni sotib olish uchun taxminan 80 million yevro sarflashga tayyor. Shu bilan birga, Transfermarkt futbolchining bozor narxini 70 million deb baholamoqda.

Sheshko 2023/24 yilgi mavsumdan beri "Leypsig" sharafini himoya qilmoqda. O‘tgan mavsumda u barcha musobaqalarda 45 ta o‘yinda maydonga tushib, 21 ta gol urdi va jamoadoshlariga 6 ta golli uzatmani amalga oshirdi.