"Манчестер Юнайтед" вингери Алехандро Гарначо Мюнхеннинг "Бавария" клуби қизиқишлари доирасига тушиб қолди, дея хабар бермоқда ESPN. Немис гранди аргентиналик футболчини ҳужум қанотининг потенциал кучайтирувчиси сифатида кўрмоқда ва унинг келажаги атрофидаги вазиятни кузатмоқда.
Манбага кўра, "МЮ" музокараларга очиқ ва "реалистик" таклифларни кўриб чиқишга тайёр. Бироқ, Гарначонинг ўзи фаолиятини Англия Премьер-лигасида давом эттиришни афзал кўради. Уни АПЛда кузатаётган клублар қаторида "Челси" ва "Астон Вилла" номлари тилга олинмоқда.
19 ёшли аргентиналик "Манчестер Юнайтед" сафида 144 та расмий ўйинда майдонга тушиб, 26 та гол урган ва шерикларига 22 та голли узатмани амалга оширган. Унинг манкунианликлар билан шартномаси 2028 йилга қадар имзоланган.
