"Фенербахче" ярим ҳимоячиси Софьян Амрабат "Ювентус"ни қизиқтириб қолди. "Бьянконерилар" бош мураббийи Игор Тудор жамоанинг ўрта чизиғини мустаҳкамламоқчи ва нишонлардан бири сифатида 28 ёшли марокашлик футболчи кўрсатилган, дея хабар бермоқда журналист Экрем Конур.
Туркия клуби томонидан ўрнатилган 20-25 млн евролик нарх жиддий муаммо бўлиши мумкин. Футболчининг маош бўйича талаблари - йилига 5 млн евро ҳам битимни анча мураккаблаштиради.
Софьян Амрабат Туркияга кўчиб ўтишидан олдин "Фиорентина", "Манчестер Юнайтед" ва бошқа клубларда ўйнаган. Хавбекнинг "Фенербахче" билан амалдаги меҳнат шартномаси 2028 йилгача мўлжалланган.













