"Динамо"-"Шўртан" ўйинидан сўнг ғолиб жамоа бош мураббийи Равшан Ҳайдаров матбуот анжуманининг иккинчи қисмида иштирок этди.

- Аввало бизни тинмай қўллаб-қувватлаган мухлисларимизга раҳмат. Ўйлайманки, жамоамиз бугун ҳужумкор ўйин намойиш этиб мухлисларга чиройли ғалабани тортиқ этди. Давралар оралиғида таркибимизни кучайтириш мақсадидамиз. Ўйлайманки, иккинчи даврада мухлисларни янада қувонтира оламиз. 

Бугунги учрашувда шогирдларим анча яхши ҳаракат қилишди, ҳужумда ҳам ҳимояда ҳам тартибли ўйин кўрсатдик, деб айта оламан. Олдинда бизни давранинг сўнгги учрашуви «Қизилқум»га қарши учрашув кутиб турибди. Зарафшондаги ўйинда ҳам бор куч ва имкониятларимизни ишга соламиз.