Португалиянинг "Брага" клуби "Барселона" ҳужумчиси Пау Викторни 12 млн еврога сотиб олди, яна 3 млн евро бонуслар кўринишида тўланиши мумкин, бироқ барча сумма "кўк-анорранглилар"га ўтмайди. Журналист Хави Мигелнинг ёзишича, "Барса" форвард трансферидан тахминан 8 млн евро ишлаб олади, қолган даромад 23 ёшли футболчининг собиқ клуби "Жирона"га тегишли бўлади.
Эслатиб ўтамиз, "Барселона" ўтган йилнинг ёзида Пау Викторни "Жирона"дан сотиб олган эди. Испаниялик футболчи Ханс-Дитер Флик жамоаси сафида 29 та ўйин ўтказиб, 2 та гол ва 1 та голли узатмани ўз ҳисобига ёздириб қўйган.
Викторнинг "Брага" билан шартномаси 2030 йилгача мўлжалланган.
