Portugaliyaning "Braga" klubi "Barselona" hujumchisi Pau Viktorni 12 mln yevroga sotib oldi, yana 3 mln yevro bonuslar ko‘rinishida to‘lanishi mumkin, biroq barcha summa "ko‘k-anorranglilar"ga o‘tmaydi. Jurnalist Xavi Migelning yozishicha, "Barsa" forvard transferidan taxminan 8 mln yevro ishlab oladi, qolgan daromad 23 yoshli futbolchining sobiq klubi "Jirona"ga tegishli bo‘ladi.
Eslatib o‘tamiz, "Barselona" o‘tgan yilning yozida Pau Viktorni "Jirona"dan sotib olgan edi. Ispaniyalik futbolchi Xans-Diter Flik jamoasi safida 29 ta o‘yin o‘tkazib, 2 ta gol va 1 ta golli uzatmani o‘z hisobiga yozdirib qo‘ygan.
Viktorning "Braga" bilan shartnomasi 2030 yilgacha mo‘ljallangan.
