"Галатасарой"нинг амбициялари жуда юқори ва мавқели ўйинчиларни таклиф қилишга интилмоқда. Foot Mercato нашрига маълум бўлишича, Туркия Суперлигасининг машҳур клуби дарвозабон Жанлуижи Доннаруммага таклиф билан чиққан.

"Истанбул шерлари" италиялик футболчининг "ПСЖ" билан шартномани узайтириш бўйича музокараларидаги муаммолардан фойдаланмоқчи. Доннарумма молиявий масалада келишмовчилик туфайли Лига 1 гранди билан келиша олмаяпти.

Жанлуижи Доннарумманинг Париждаги амалдаги меҳнат шартномаси 2026 йилнинг ўрталарига қадар мўлжалланган. Нуфузли "Transfermarkt" портали дарвозабонни 40 миллион еврога баҳоламоқда.