Тимоти Веа "Ювентус"ни тарк этишга яқин турибди, унинг ўрнига янги футболчи эса аллақачон топиб қўйилган.

Агар кутилмаган ҳолат юз бермаса, 25 ёшли америкалик "Марсель"га ўтади. La Gazzetta dello Sport хабарига кўра, унинг ўрнига устувор номзод сифатида Мадриднинг "Атлетико" клубидан Науэль Молина танланган. "Кекса синьора"нинг аргентиналик футболчига қизиқаётгани бир неча кун олдин маълум бўлганди.

Науэль Молинанинг Transfermarkt сайтидаги нархи - 20 млн евро. 27 ёшли латералнинг "матрасчилар" билан амалдаги меҳнат шартномаси 2027 йилгача мўлжалланган. Ўтган мавсумда жаҳон чемпиони Диего Симеоне жамоаси сафида 46 та ўйинда майдонга тушиб, 1 та гол ва 3 та самарали пас муаллифи бўлди.