"Штутгарт" ярим ҳимоячиси Энсо Мийо тез орада фаолиятини Испания Ла Лигасида давом эттириши мумкин.
Sky Sports нашри хабарига кўра, немис клуби "Атлетико"га 23 ёшли франциялик ҳужумкор ярим ҳимоячи билан музокара ўтказишга расман рухсат берган. Томонлар аллақачон мулоқотнинг юқори босқичида, футболчининг товон пули эса 23 миллион евро этиб белгиланган. Немис клубидагилар бу трансфер амалга ошишига ишонмоқда.
Мийо Бундеслиганинг ўтган мавсумида 29 та ўйинда майдонга тушиб, 6 та гол урган ва 5 та голга ҳаммуаллифлик қилган.
