"Shtutgart" yarim himoyachisi Enso Miyo tez orada faoliyatini Ispaniya La Ligasida davom ettirishi mumkin.

Sky Sports nashri xabariga ko‘ra, nemis klubi "Atletiko"ga 23 yoshli fransiyalik hujumkor yarim himoyachi bilan muzokara o‘tkazishga rasman ruxsat bergan. Tomonlar allaqachon muloqotning yuqori bosqichida, futbolchining tovon puli esa 23 million yevro etib belgilangan. Nemis klubidagilar bu transfer amalga oshishiga ishonmoqda.

Miyo Bundesliganing o‘tgan mavsumida 29 ta o‘yinda maydonga tushib, 6 ta gol urgan va 5 ta golga hammualliflik qilgan.