"Арсенал" марказий ҳимоячиси Вильям Салиба Лондон клубидан мамнун ва 2029 йилги навбатдаги клублар ўртасидаги жаҳон чемпионатига қадар жамоасини ўзгартириш ҳақида ўйламаяпти. Бу ҳақда Sport.es инглиз манбаларига таяниб хабар бермоқда.
Таъкидланишича, "канонирлар" 24 ёшли футболчи билан 2027 йилнинг ёзида тугайдиган шартномани узайтирмоқчи. "Арсенал" Салибани "қаймоқранглилар" бермоқчи бўлган катта пулга ҳам сотмоқчи эмас.
Франциялик ҳимоячи 2019 йилда "Сент-Этьен"дан Лондон жамоасига ўтган эди. Салиба ўтган мавсумда барча мусобақаларда 51 та ўйинда майдонга тушиб, 2 та гол урган. Transfermarkt порталида келтирилган маълумотларга кўра, футболчининг бозор нархи 80 млн еврони ташкил этади.
