Тез орада вингер Луис Диаснинг "Бавария"га ўтгани маълум бўлади. Инсайдер Фабрицио Романо ижтимоий тармоқларда келишув яқинлиги ҳақида ёзмоқда. 28 ёшли Диаснинг трансфер суммаси бонуслар билан бирга 75 миллион еврони ташкил этади.
Айни дамда "Бавария" ва "Ливерпуль" клублари бонуслар бўйича тафсилотларни муҳокама қилмоқда. Барчаси келишиб олингач, футболчи тиббий кўрикдан ўтади ва муаммолар аниқланмаса, 4 мавсумлик шартнома имзолайди.
"Ливерпуль"даги уч ярим мавсум давомида Луис Диас 148 та ўйинда 41 та гол урди ва 23 та голли узатмани амалга оширди.
