Аргентинанинг "Ривер Плейт" клуби ҳужумкор ярим ҳимоячиси Франко Мастантуоно Европага кўчиб ўтишга тайёргарлик кўрмоқда. 17 ёшли вингер келаси ҳафтадаёқ Испания пойтахтига етиб келади, деб хабар бермоқда журналист Уриэль Лугт.
14 август куни Мастантуоно 18 ёшга тўлади, шундан сўнг у расман "қаймоқранглилар" футболчисига айланади. Эслатиб ўтамиз, трансфер қиймати 45 млн еврони ташкил этади.
"Реал" янги юлдузни ёз бошида сотиб олишга келишиб олди. Аргентиналик футболчи "Ривер Плейт"нинг асосий жамоаси сафида барча мусобақаларда жами 64 та ўйин ўтказиб, 10 та гол урган ва 7 та голга ассистентлик қилган.
