Туриннинг "Ювентус" клуби собиқ футболчиси Миралем Пьянич "Милан"га бош мураббий этиб тайинланган Массимилиано Аллегри ҳақида ўз фикрларини билдириб ўтди. Италиялик машҳур мураббий жорий йилнинг 30 май куни жамоани қабул қилиб олди.
"Мен у билан тез-тез мулоқот қиламан, биз "Ювентус"да ажойиб йилларни ўтказдик. Биз дўстона муносабатдамиз. Уни "Милан"да кўриш ёқимли. Италияда у ва Конте энг яхши, энг муваффақиятли," - дея Пьяничнинг сўзларини келтиради La Gazzetta dello Sport.
"Босимни Аллегридек енгадиганлар кам. "Россонерилар" кучли тўртликка киришга интилади, аммо бош мураббийликда Массимилиано каби мутахассис бўлганидан кейин кўпроғига умид қилиш мумкин".
