"Бавария" футболчиси Брайан Сарагоса Испанияга қайтмоқда. Мюнхен гранди "Сельта"нинг сотиб олиш мажбурияти билан вингерни ижарага олиш таклифига рози бўлди. Журналист Флориан Плеттенбергнинг хабар беришича, 23 ёшли футболчининг тўлақонли трансфери Ла Лига клубига 13 млн еврога тушади. Испаниялик футболчи маълум миқдорда ўйин ўтказса, шунингдек, "Сельта" турнир жадвалида 11-13-ўринлардан паст бўлмаса, харид мажбурий бўлади.
Брайан Сарагоса ўтган мавсумнинг иккинчи қисмини ижара асосида "Осасуна"да ўтказганди. "Бавария"га ўтишдан олдин футболчи "Гранада" шарафини ҳимоя қилган.













