"Bavariya" futbolchisi Brayan Saragosa Ispaniyaga qaytmoqda. Myunxen grandi "Selta"ning sotib olish majburiyati bilan vingerni ijaraga olish taklifiga rozi bo‘ldi. Jurnalist Florian Plettenbergning xabar berishicha, 23 yoshli futbolchining to‘laqonli transferi La Liga klubiga 13 mln yevroga tushadi. Ispaniyalik futbolchi ma’lum miqdorda o‘yin o‘tkazsa, shuningdek, "Selta" turnir jadvalida 11-13-o‘rinlardan past bo‘lmasa, xarid majburiy bo‘ladi.

Brayan Saragosa o‘tgan mavsumning ikkinchi qismini ijara asosida "Osasuna"da o‘tkazgandi. "Bavariya"ga o‘tishdan oldin futbolchi "Granada" sharafini himoya qilgan.