"Барселона" бош мураббийи Ханс-Дитер Флик вингер Руни Барджи ҳақида фикр билдирди.
19 ёшли футболчи "кўк-анорранглилар" сафида илк бор якшанба куни Япониянинг "Виссел Кобе" жамоасига қарши ўртоқлик ўйинида (3:1) майдонга тушди. Швециялик футболчи иккинчи бўлим бошланиши арафасида Ламин Ямал ўрнига майдонга тушди ва 77-дақиқада гол урди.
"Руни асосий жамоада қолиши режалаштирилган. Ҳаммаси унинг ўзига боғлиқ бўлади. Унинг қандай салоҳиятга эга эканини кўриб турибмиз, бошқа ёш футболчилар ва Маркус Рэшфорд ҳам шундай," - дея Фликнинг сўзларини келтиради Barca Universal.
Руни Барджи июль ойи ўрталарида Даниянинг "Копенгаген" клубидан "Барселона"га ўтган эди.
