"ПСЖ" форварди Рандаль Коло-Муани "Ювентус"нинг ҳужум чизиғини кучайтириш бўйича устувор мақсади бўлиб қолмоқда. La Gazzetta dello Sport хабарига кўра, француз Туринга қайтишга тайёр ва бошқа вариантлардан воз кечиб, ўз истагини парижликлар раҳбариятига маълум қилган.

Туринликлар бош мураббийи Игор Тудор ҳам футболчининг қайтишини таъкидламоқда. Клуб спорт директори Дамьен Комолли янги таклиф тайёрламоқда: 10 миллион еврога ижарага олиш ва бир қатор шартлар бажарилганда мажбурий сотиб олиш. Битимнинг умумий суммаси 40 млн евродан ошиши мумкин. "ПСЖ" тўлиқ сотиб олиш кафолатини талаб қилмоқда.

Коло-Муани ўтган мавсум "Ювентус" сафида 22 та ўйинда майдонга тушиб, 10 та гол урди ва 3 та голли узатмани амалга оширди. Унинг "ПСЖ" билан шартномаси 2028 йилгача мўлжалланган ва Transfermarkt футболчини 30 млн еврога баҳоламоқда.