"Челси" дарвозабон Майк Пендерсни "Страсбург"га ижарага берди.
19 ёшли посбон мавсум охиригача ижара асосида Лига 1 клубига ўтди.
2024 йилнинг августида "Генк"дан "Челси"га ўтган Пендерс ўтган мавсумнинг қолган қисмини Бельгия клубида ўтказди.
Майк бельгияликларнинг асосий таркибида 26 та ўйин ўтказган. У Бельгия U-21 терма жамоасига ҳам чақирув олди.
Бундан ташқари, дарвозабон клублар ўртасидаги жаҳон чемпионатида "Челси" таркибида бўлган ва АҚШда бирорта ҳам ўйин ўтказмасдан совринни қўлга киритган.
Эслатиб ўтамиз, "Страсбург" ҳам "Челси" каби BlueCo гуруҳига тегишли.













