Ҳужумкор ярим ҳимоячи Эдуард Сперцянда фаолиятини Англияда давом эттириш имконияти бор.
Журналист Айк Оганесяннинг ёзишича, "Саутгемптон" "Краснодар" сардори учун таклиф билан чиққан. Гап 12,5 миллион евро миқдорида кетмоқда.
"Жирона таклиф билан чиқмаганидан сўнг, Эдуард бир неча ҳафта олдин рад этган "Саутгемптон" билан вариантни кўриб чиқишга қарор қилди. Бир неча соат олдин инглиз клуби "Краснодар"га 12,5 миллион евро таклиф қилганини билдим", - деди Оганесян.
Эслатиб ўтамиз, Transfermarkt портали Эдуард Сперцянни 25 миллион еврога баҳоламоқда. Шу билан бирга, футболчининг “Краснодар” билан амалдаги шартномаси келаси ёзда якунига етади. Айтганча, "Саутгемптон" бу мавсумни Чемпионшипда ўтказади.
