Мюнхеннинг "Бавария" клуби дарвозабон Свен Ульрайх билан янги шартнома имзолади. Бу ҳақда немис клуби матбуот хизмати расман маълум қилди.
Бир неча кундан сўнг 37 ёшни қаршилайдиган посбон "Бавария"да яна бир мавсум қоладиган бўлди.
Ульрайх 2015 йилдан бери мюнхенликлар шарафини ҳимоя қилиб келмоқда. Дарвозабон 9 марта Германия чемпионлигини қўлга киритган. 2019-2020 йилги мавсумда у Чемпионлар Лигаси кубоги соҳибига айланди.













