Ярим ҳимоячи Адриен Рабьони агенти - унинг онаси Вероника ҳисобланади. У франциялик футболчининг “Манчестер Юнайтед”га ўтиши нега 2022 йилда барбод бўлганини тушунтирди.

"Улар менинг очкўзлигим ҳақида ёзишди? Йўқ, бу тўғри эмас. Ўша йили Адриен Чемпионлар лигасига йўлланма олган "Ювентус"дан Чемпионлар лигасига чиқа олмаган "Манчестер Юнайтед"га кетишга тайёр эди. Биз шартларни муҳокама қилдик ва охирида улар менга: "Агар Чемпионлар лигаси йўлланмасини қўлга кирита олмасак, кейинги мавсумда Адриеннинг маоши камайтирилади" дейишди. Мен буни жуда ва жуда ҳурматсизлик деб ўйладим.

Мен: "Стоп!", дедим. Улар бу кўпроқ пул олиш стратегияси деб ўйлашди. Лекин йўқ, гап пул эмас, принципиал масала эди. Албатта, бу уларни ҳайратда қолдирди. Улар бунга ўрганмаган эдилар" - деди Вероник L’Equipe нашрига.

30 ёшли Адриен Рабьо ҳозир "Марсель" вакили саналади.