Муборакнинг "Машал" жамоаси ўз сафига Бразилия Олимпиадасининг бронза медали совриндорини қўшиб олди.

Нигериялик вингер Умар Амину Муборак шаҳри клуби билан 1 йиллик шартнома имзолади.
30 ёшли футболчи Нигерия миллий терма жамоаси собиқ азоси ҳисобланади. У ўз фаолияти давомида Туркиянинг "Самсунспор", "Османлиспор", "Ризеспор", "Бодрум", "Бандирмаспор", "Тузласпор", "Бейкоз Анадолу", шунингдек, Кипрнинг "Миракл Дегирменлик" жамоаларида тўп тепган.

Туркия Суперлигасида 159 учрашув ўтказган Умар Амину ўзининг бой тажрибаси ва юқори савиядаги ўйинлари билан "Машъал" жамоаси ярим ҳимоясига куч ва барқарорлик олиб кириши кутилмоқда.

Эслатиб ўтамиз, Амину 2016 йил Нигерия билан Риодаги Олимпия Ўйинларида бронза медалига эга чиққан.