"Галатасарой" "Наполи" ҳужумчиси Виктор Осимхен трансферини тасдиқлади. Трансфер баҳоси - 75 млн евро.
Қизиғи шундаки, "Наполи" яқин келажакда футболчининг рақобатчиларга насиб этмаслигини таъминлади: журналист Бен Жейкобс таъкидлаганидек, неаполликлар "Галатасарой" билан келишувга Осимхенни яқин икки йил ичида А Сериянинг бошқа клубларига сотишга йўл қўймаслик бандини киритди.
Виктор Осимхен "Наполи" сафида барча мусобақаларда 133 та ўйинда 76 та гол урди ва 18 та голли узатмани амалга оширди. 2022/23 йилги мавсум якунларига кўра, нигериялик ҳужумчи 26 та гол билан Италия чемпионатининг энг яхши тўпурари бўлганди.
