"Барселона" ёзда шартнома имзолаган янги футболчиларни рўйхатдан ўтказиши керак бўлади. "Кўк-анорранглилар" сафини Жоан Гарсия ("Эспаньол"), Маркус Рэшфорд ("Манчестер Юнайтед," ижара) ва Руни Барджи ("Копенгаген") тўлдирди. Журналист Алекс Пинтанелнинг маълум қилишича, Каталония клуби Ла Лиганинг 16 август куни бўлиб ўтадиган "Мальорка"га қарши биринчи тур ўйинига барча футболчиларни рўйхатдан ўтказишга улгуради.

Ўтган мавсумда "Барселона" Испания чемпионлигини қўлга киритиб, Мадриднинг "Реал" клубини 4 очкога ортда қолдирганди. Шунингдек, Ханс-Дитер Флик жамоаси Испания кубоги ва мамлакат Суперкубогини қўлга киритди.