"Ан-Наср" янги мавсумга тайёргарлик кўрмоқда. Чоршанба куни Жорже Жезуш жамоаси "Тулуза"га қарши ўртоқлик учрашувида майдонга тушди ва 2:1 ҳисобида ғалаба қозонди. Ўйиндан сўнг ижтимоий тармоқларда ўз жамоасининг биринчи голига муаллифлик қилган Криштиану Роналду пост қолдирди.
"Очлик ҳисси ҳеч қачон босилмайди. Ҳали ишларимиз кўп ва биз энди бошлаяпмиз," - дейилади 40 ёшли Роналдунинг хабарида.
Эслатиб ўтамиз, Криштиану Роналду июнь ойида "Ан-Наср" билан янги шартнома имзолаган эди. У кейинги икки мавсумга - 2027 йилнинг ўрталарига мўлжалланган.
