"Фенербахче" расмий сайтида 31 ёшли ҳимоячи Нелсон Семеду билан шартнома бўйича музокаралар олиб борилаётганини эълон қилди.
"Нелсон Семеду клубимиз билан трансфер бўйича музокараларни давом эттириш ва тиббий кўрикдан ўтиш учун Истанбулга келади," - дейилади пресс-релизда.
Июнь ойида "Марсель" ҳимоячи билан музокаралар олиб бораётгани маълум бўлди, аммо томонлар келишувга эриша олмади. 1 июль куни футболчи "Вулверхэмптон"ни тарк этганидан сўнг эркин агентга айланди.
2024/25 йилги мавсумда Семеду барча мусобақаларда 37 та ўйинда майдонга тушиб, 5 та голли узатмани амалга оширди. У бунгача "Барселона" ва "Бенфика" клубларида тўп тепган.
