"Милан" бош мураббийи Массимилиано Аллегри А Сериянинг янги мавсумида кимни фаворит деб билишини айтди.
Мутахассис бир йиллик танаффусдан сўнг ўтган мавсумда муваффақиятсизликка учраган "россонерилар"ни қабул қилиб олди. Эслатиб ўтамиз, "Милан" 8-ўринни эгаллади ва еврокубоклар йўлланмасидан қуруқ қолди.
"Скудетто учун курашда фаворит - "Наполи", ундан кейин "Интер." Еврокубоклар йўқлигини афзаллик деб ҳисобламайман," - дея Массимилиано Аллегрининг сўзларини келтиради TMW.
"Наполи" ўтган мавсумда А Серия ғолибига айланди. Антонио Конте жамоаси 2-ўриндаги "Интер"ни 1 очкога ортда қолдирди.
