"Челси" Кендри Паесни "Страсбург"га ижарага берди.
Клублар 18 ёшли ярим ҳимоячини келаси мавсум якунига қадар ижарага олиш бўйича келишувга эришган.
Ўтган йилни Паес Эквадорнинг "Индепендьенте" клубида ўтказди.
Таъкидлаш керакки, бу лондонликларнинг жорий мавсумда француз клубига амалга оширган 4-трансфери бўлди.
Бунгача "кўклар" дарвозабон Майк Пендерсни ижарага беришганди. Шунингдек, 21 ёшгача бўлганлар жамоасидан ярим ҳимоячи Матис Амугу ва ҳимоячи Ише Самуэльс-Смит ҳам сотиб юборилди.
Эслатиб ўтамиз, "Страсбург" ҳам "Челси" каби BlueCo гуруҳига тегишли.













