ЦСКА ҳимоячиси Милан Гайич ҳужумкор ярим ҳимоячи Аббосбек Файзуллаевнинг жамоадан кетиши ҳақидаги саволга жавоб берди.
Чоршанба куни ўзбекистонлик футболчи "Истанбул Башакшеҳир" таркибига қўшилгани маълум бўлди. Гайичдан Файзуллаевдек футболчини йўқотиш ачинарли эмасми, деб сўрашди.
"Аббос биз билан узоқ вақт ўйнади, уни табриклаб, омад тиламоқчиман. Бу шунчаки футбол, одамлар келади ва кетади. Жамоани яхши футболчилар тарк этишига тайёр бўлиш керак," - дея Гайичнинг сўзларини келтиради "Матч ТВ."













