Конференциялар лигаси иккинчи саралаш босқичи доирасида "Истанбул Башакшехир" жамоаси "Черно Море"га қарши жавоб ўйинини ўтказди ва йирик 4:0 ҳисобида ғалаба қозонди.
Истанбулликлар сафида Иван Брнич, Мигель Креспо, Нуну да Кошта ва Кристофер Опери голларга муаллифлик қилди.
Ҳамюртимиз Элдор Шомуродов ўйиннинг 58-дақиқасида захирадан майдонга тушди ва ўйин охиригача ҳаракат қилди. Яна бир ҳамюртимиз Аббосбек Файзуллаев қайдномага киритилмади.
"Башакшехир" илк ўйинда 1:0 ҳисобида ғалаба қозонган эди. Улар икки ўйин натижасига кўра 5:0 ҳисобида муваффақият қозонди ва 3-саралаш босқичига йўл олди.
