Мадриднинг "Атлетико" клуби собиқ ярим ҳимоячиси Саул Ньигес клубда совринлар йўқлиги ҳақида фикр билдирди.
"Ўтган мавсумда улар 200 миллион евро сарфлашди - ва бу сафар яна 200 миллион. Улар бошқа грандлар билан бир хил харажат қилишади, шунинг учун улар совринлар учун курашишлари керак. Оқлаш учун сабаблар тобора камайиб бормоқда," - деди Ньигес COPE порталига берган интервьюсида.
Диего Симеоне "Атлетико"га 2011 йилдан буён устозлик қилиб келмоқда. Унинг қўл остида жамоа 8 та совринни қўлга киритди, шу жумладан Испания чемпионати ва Европа лигасида ғалаба қозонди. Жамоа 2 марта Чемпионлар Лигаси финалига қадар етиб борган. Жамоанинг сўнгги йирик муваффақияти 2021 йилга тўғри келади.
