Аргентиналик 38 ёшли ҳужумчи Лионель Месси МЛСда 2028 йилгача қолади ва "Интер Майами" билан шартномасини узайтиради. Бу ҳақда инсайдер Хави Кампос ўз ижтимоий тармоқларида маълум қилди.
Манбага кўра, Месси АҚШда ўзини қулай ҳис қилмоқда ва ҳозирча профессионал футболдан кетишга шошилмаяпти. Янги келишув бўйича олдинги баъзи келишмовчиликларга қарамай, яқин келажакда барча манфаатдор томонлар ҳужжатга имзо чекадиганга ўхшайди.
Месси жорий мавсум клублар миқёсида 30 та ўйинда 24 та гол ва 10 та голли узатмага муаллифлик қилди.
