"Ланс" "Рома" билан ўнг қанот ҳимоячиси Сауд Абдулҳамидни ижарага олишга келишиб олди, дея хабар бермоқда инсайдер Фабрицио Романо.
Келишув 2026 йил июнигача мўлжалланган бўлиб, ихтиёрий сотиб олиш имкониятини ўз ичига олади.
Сауд "Ал-Ҳилол"дан 2,5 миллион евро эвазига трансфер қилинганидан сўнг, 2024 йил августидан бери "Рома"да ўйнаб келмоқда. Унинг шартномаси 2028 йилнинг 30 июнига қадар мўлжалланган.
Ўтган мавсумда Абдулҳамид клуб сафида 8 та ўйинда 1 та гол ва 1 та голли узатмага муаллифлик қилган.













