Ансу Фати "Барселона"ни тарк этиб, бир ой муқаддам ижара асосида "Монако" сафига қўшилганди, аммо у ҳалигача янги жамоаси сафида бирорта ўртоқлик ўйинида майдонга тушмаган. Ва бу ҳолат кейинги назорат учрашувларида ҳам сақланиб қоладиганга ўхшайди.
"Монако" бош мураббийи Ади Хюттер Фати 2025/26 йилги мавсумга тўлиқ тайёр бўлиши учун клуб томонидан ишлаб чиқилган индивидуал дастур бўйича ишлаётганини айтди.
"Мен унинг иложи борича тезроқ қайтишини истайман, лекин Ансу билан эҳтиёт бўлиш керак. Уни тўлиқ тайёр ҳолатга келтиришимиз керак. У яна жароҳат олмаслиги ёки муаммоларга дуч келмаслиги учун уни жуда эрта майдонга қайтаришдан маъно йўқ. Биз унинг учун қўлимиздан келганини қиляпмиз. Мен ҳозирги таркибдан мамнунман, шунинг учун Ансу қачон қайтишини кўрамиз, шунингдек, Погба билан ҳам шундай", - деди Хюттер.
