Англиянинг "Челси" клуби расмий сайти ярим ҳимоячи Лео Кастлдиннинг "Ҳаддерсфилд Таун"га ижарага ўтгани ҳақида хабар тарқатди.
2025/2026 йилги мавсумни Лео Кастлдин "Ҳаддерсфилд Таун"да ижара асосида ўтказади. 19 ёшли футболчи 15 ёшидан буён "Челси" сафида тўп тепиб келаётганди ва асосий жамоадаги дебютини 2024 йилнинг январида Лига кубоги ярим финалида "Мидлсбро" билан ўтказган ва унда жамоа ғалаба қозонганди.
Лига 1 вакили "Ҳаддерсфилд"га ўтганидан сўнг, Кастлдин мавсум охиригача фаолиятидаги иккинчи мавсумни ижара асосида ўтказади.
"Келгуси мавсумда ҳам унинг ўсишини кузатиб борамиз ва қўллаб-қувватлаймиз. Омад, Лео!" - дейилади клуб хабарида.













