"Барселона" яримҳимоячиси Гави жамоанинг биринчи рақамли футболчиси мақомини йўқотган ва белида жарроҳлик амалиётини ўтказган дарвозабон ва жамоа сардори Марк-Андре тер Штегеннинг аҳволи ҳақида гапирди.

Клуб раҳбарияти немис футболчисидан норози ва миш-мишларга кўра, уни сардорлик боғичидан маҳрум қилмоқчи.

"Марк - жамоанинг биринчи сардори ва якунда қарор футболчиларнинг овози билан қабул қилинади. Унинг жароҳати жуда оғир эди. Марк - клуб афсонаси ва уни кимлиги учун ҳурмат қилиш керак. У жароҳатидан фориғ бўлгач, кўрамиз, мураббий эса қарор қабул қилади. Кўриниб турибдики, у клуб афсонаси ва уни ҳурмат қилиш керак", - дея Гавининг сўзларини келтиради Yahoo Sports.