"Аякс" ярим ҳимоя чизиғини кучайтирди - Нидерландия клубига аввал "Ред Булл Зальцбург"да ўйнаган Оскар Глух ўтди. Амалга оширилган трансфер "Аякс" сайтида расман эълон қилинди.
Исроил терма жамоаси футболчиси беш йиллик меҳнат шартномасини имзолади. Битим суммаси эҳтимолий бонусларни ҳисобга олмаганда 14,75 млн еврони ташкил этди. Нидерландия клубида Глух 10-рақамда ҳаракат қилади.
Бу йил 21 ёшни қарши олган хавбек "Ред Булл Зальцбург" сафида 101 та ўйин ўтказиб, 23 та гол ва 29 та голли узатмани ўз ҳисобига ёздириб қўйди. Собиқ жамоаси билан Глух Австрия чемпиони бўлди.
