"Аталанта" Адемола Лукманни ўз шартлари асосида сотишга тайёр.
Аввалроқ, клуб "Интер"нинг 27 ёшли ҳужумчи учун 42 млн евро ва 3 млн бонус таклифини рад этгани хабар қилинганди.
Кейинроқ Sky Sport Italia футболчи бўйича бошқа таклифлар кутилмаётгани ҳақида ёзди. "Аталанта" футболчини сотишни режалаштирмаётгани айтилганди.
Аммо журналист Альфредо Педулла бу каби маълумотларни рад этмоқда. Унинг сўзларига кўра, ўйинчи учун 45+5 миллион евро олган тақдирда клуб у билан хайрлашишга тайёр, бонусларни тўлаш шартлари эса осон бўлиши керак.
Ўтган мавсумда Лукман А Сериянинг 31 ўйинида 15 та гол уриб, тўпурарлар пойгасида 3-ўринни эгаллади.
