"Atalanta" Ademola Lukmanni o‘z shartlari asosida sotishga tayyor.

Avvalroq, klub "Inter"ning 27 yoshli hujumchi uchun 42 mln yevro va 3 mln bonus taklifini rad etgani xabar qilingandi.

Keyinroq Sky Sport Italia futbolchi bo‘yicha boshqa takliflar kutilmayotgani haqida yozdi. "Atalanta" futbolchini sotishni rejalashtirmayotgani aytilgandi.

Ammo jurnalist Alfredo Pedulla bu kabi ma’lumotlarni rad etmoqda. Uning so‘zlariga ko‘ra, o‘yinchi uchun 45+5 million yevro olgan taqdirda klub u bilan xayrlashishga tayyor, bonuslarni to‘lash shartlari esa oson bo‘lishi kerak.

O‘tgan mavsumda Lukman A Seriyaning 31 o‘yinida 15 ta gol urib, to‘purarlar poygasida 3-o‘rinni egalladi.