"Интер" "Парма" марказий ҳимоячиси Жованни Леони билан шартнома имзолашни режалаштирмоқда, деб ёзади Il Corriere dello Sport.
Миланликлар марказий ҳимоя позициясини кучайтирмоқчи ва 18 ёшли Леони клуб учун айни муддао. Жованни жамоага асосий ўйинчи сифатида қўшилиши кутилмоқда, у мавжуд ҳимоячилардан бирортасининг ўрнини босмайди. Трансфер қиймати 35 миллион еврони ташкил этади.
Леони "Падова" тарбияланувчиси ҳисобланади. У 2024 йил августидан бери "Парма"да ўйнаб келмоқда. Ўтган мавсумда италиялик футболчи 17та ўйинда майдонга тушиб, 1та гол урган.













