"Пари Сен-Жермен" клуби ҳужумчи Гонсалу Рамуш билан хайрлашишга шошилмаяпти.
Парижликлар раҳбарияти португалияликни муҳим футболчи деб ҳисоблайди ва уни қўйиб юбориш истагида эмас, гарчи Луис Энрике ҳар доим ҳам унга асосий таркибдан жой бермаса-да. Журналист Маттео Мореттонинг ёзишича, номи ошкор этилмаган инглиз клуби Рамуш учун оғзаки равишда 50 млн евродан кўпроқ таклиф қилган, аммо "ПСЖ" рад жавобини берган. Бундан ташқари, 24 ёшли ҳужумчи "Милан" билан боғланган - бу ҳолатда ҳам келишув амалга ошиши даргумон.
Ўтган мавсумда Гонсалу Рамуш "ПСЖ" сафида барча мусобақаларда 46 та ўйинда майдонга тушиб, 19 та гол урди ва 6 та голли узатмани амалга оширди.
