"Pari Sen-Jermen" klubi hujumchi Gonsalu Ramush bilan xayrlashishga shoshilmayapti.
Parijliklar rahbariyati portugaliyalikni muhim futbolchi deb hisoblaydi va uni qo‘yib yuborish istagida emas, garchi Luis Enrike har doim ham unga asosiy tarkibdan joy bermasa-da. Jurnalist Matteo Morettoning yozishicha, nomi oshkor etilmagan ingliz klubi Ramush uchun og‘zaki ravishda 50 mln yevrodan ko‘proq taklif qilgan, ammo "PSJ" rad javobini bergan. Bundan tashqari, 24 yoshli hujumchi "Milan" bilan bog‘langan - bu holatda ham kelishuv amalga oshishi dargumon.
O‘tgan mavsumda Gonsalu Ramush "PSJ" safida barcha musobaqalarda 46 ta o‘yinda maydonga tushib, 19 ta gol urdi va 6 ta golli uzatmani amalga oshirdi.













