"Пари Сен-Жермен" бир вақтнинг ўзида иккита йирик битимни амалга оширишга тайёрланмоқда.
Парижликлар сафини "Лилль" дарвозабони Люка Шевалье ва "Борнмут" вакили марказий ҳимоячи Илья Забарний тўлдиради. Инсайдер Фабрицио Романонинг янгиланган ҳисоботидаги маълумотларга кўра, француз гранди раҳбарияти иккала шартномани ҳам яқин кунларда якунлашига ишончи комил. Ҳар икки футболчи билан келишувга эришилган.
23 ёшли Шевальенинг трансфери "ПСЖ"га 40 млн еврога тушади, 22 ёшли Забарний учун эса Чемпионлар Лигасининг амалдаги ғолиблари, агар ҳозирги маълумотларга ишонилса, тахминан 60 млн евро тўлашади.













