"Тоттенхэм" бош мураббийи Томас Франк жамоа сардори Сон Хён Миннинг тез орада жамоани тарк этиши ҳақидаги саволга жавоб қайтарди.
33 ёшли ҳужумчи тез орада клубни тарк этишини оммага маълум қилди.
"Шахсан мен бундай ажойиб инсон ва футболчи билан ишлашдан мамнун бўлардим. Сон - ҳар жиҳатдан "Тоттенхэм"нинг ҳақиқий афсонаси, Премьер-лиганинг энг буюк футболчиларидан бири. Кетиш учун қулай фурсат топиш ҳар доим ҳам осон эмас," - дейди "шпорлар"нинг даниялик мураббийи.
Томас Франк "Тоттенхэм"ни ёз бошида истеъфога чиқарилган Анге Постекоглу ўрнига қабул қилиб олганди.
Сон Хён Мин "шпорлар" сафида 2015 йилдан буён тўп тепиб келмоқда. Жанубий кореялик футболчи фаолиятини МЛСда давом эттириши кутилмоқда.
