"Tottenxem" bosh murabbiyi Tomas Frank jamoa sardori Son Xyon Minning tez orada jamoani tark etishi haqidagi savolga javob qaytardi.
33 yoshli hujumchi tez orada klubni tark etishini ommaga ma’lum qildi.
"Shaxsan men bunday ajoyib inson va futbolchi bilan ishlashdan mamnun bo‘lardim. Son - har jihatdan "Tottenxem"ning haqiqiy afsonasi, Premyer-liganing eng buyuk futbolchilaridan biri. Ketish uchun qulay fursat topish har doim ham oson emas," - deydi "shporlar"ning daniyalik murabbiyi.
Tomas Frank "Tottenxem"ni yoz boshida iste’foga chiqarilgan Ange Postekoglu o‘rniga qabul qilib olgandi.
Son Xyon Min "shporlar" safida 2015 yildan buyon to‘p tepib kelmoqda. Janubiy koreyalik futbolchi faoliyatini MLSda davom ettirishi kutilmoqda.
